کراچی( شوبز ڈیسک) پاکستان کے معروف اداکار بلال قریشی نے ملک میں ابھرتے ہوئے فٹبالرز کو درپیش مسائل پر تشویش کا اظہار کرتے ہوئے کھیلوں کے شعبے میں موجود مشکلات کی نشاندہی کی ہے۔بلال قریشی نے فوٹو اور ویڈیو شیئرنگ پلیٹ فارم انسٹاگرام پر ایک اسٹوری شیئر کی، جس میں انہوں نے لکھا کہ ان کا بیٹا فٹبالر بننا چاہتا ہے، لیکن وہ اسے کیا بتائیں کہ پاکستان میں کرکٹر کے علاوہ کسی اور کھیل میں آگے بڑھنے کے مواقع محدود ہیں۔اداکار نے مزید لکھا کہ کھیل ہو یا شوبز، ہر شعبے میں سیاست کا عمل دخل نظر آتا ہے، اور یہی صورتحال ملک کی مجموعی حالت پر اثر انداز ہو رہی ہے۔بلال قریشی نے اپنی اسٹوری میں ایک ویڈیو بھی شیئر کی جس میں بتایا کہ ان کے دونوں بیٹے پرتگال کے معروف فٹبالر کرسٹیانو رونالڈو کے مداح ہیں۔بعد ازاں اداکار نے ارجنٹینا کی کامیابی سے متعلق ایک ویڈیو بھی اپنی انسٹاگرام اسٹوری پر شیئر کی۔واضح رہے کہ پاکستان میں کھیلوں کے میدان میں بے شمار باصلاحیت کھلاڑی موجود ہیں، تاہم ماہرین کے مطابق اس ٹیلنٹ کو سامنے لانے کے لیے بہتر سہولیات، تربیت اور مناسب مواقع فراہم کرنے کی ضرورت ہے۔
