لاہور( شوبز ڈیسک) معروف ڈیجیٹل تخلیق کار اور ٹک ٹاکر عمر بٹ نے یوٹیوبر رجب بٹ کی جانب سے اپنی اہلیہ سے علیحدگی کے معاملے کو سوشل میڈیا پر لانے پر سخت تنقید کرتے ہوئے کہا ہے کہ ذاتی مسائل کو آن لائن تماشا بنانے سے گریز کرنا چاہیے۔رجب بٹ اس وقت اپنی اہلیہ ایمان رجب سے علیحدگی اور ٹوٹتی ہوئی شادی کے باعث سماجی رابطے کے ذرائع پر خبروں میں ہیں۔اطلاعات کے مطابق دونوں کے درمیان معاملات مزید کشیدہ ہوتے جا رہے ہیں اور دونوں جانب سے ایک دوسرے پر الزامات اور تنقید کا سلسلہ بھی جاری ہے۔رجب بٹ خود بھی اس معاملے پر کھل کر گفتگو کر رہے ہیں جبکہ ایمان رجب کی جانب سے ان کے بھائی عون سوشل میڈیا پر اپنا مؤقف پیش کر رہے ہیں۔دونوں فریقین سماجی رابطے کے ذرائع کے ذریعے ایک دوسرے کو جواب دے رہے ہیں جس کے باعث یہ معاملہ مزید پیچیدہ ہوتا جا رہا ہے۔اسی صورتحال پر دیگر ڈیجیٹل تخلیق کار بھی اپنی رائے کا اظہار کر رہے ہیں اور سوال اٹھا رہے ہیں کہ ذاتی نوعیت کے مسائل کو عوامی سطح پر لانے کی ضرورت کیوں پیش آئی۔
