بمراہ انجری کے باعث باہر، نوجوان عاقب نبی پہلی بار بھارتی ٹیسٹ اسکواڈ میں شامل

نئی دہلی( سپورٹس ڈیسک) بھارت کے معروف فاسٹ بولر جسپریت بمراہ انجری کے باعث سری لنکا کے خلاف ٹیسٹ سیریز سے باہر ہوگئے، جس کے بعد جموں و کشمیر سے تعلق رکھنے والے نوجوان فاسٹ بولر عاقب نبی کو پہلی مرتبہ بھارتی سینئر ٹیم میں شامل کر لیا گیا ہے۔بھارتی کرکٹ بورڈ (بی سی سی آئی) کے مطابق جسپریت بمراہ بائیں گھٹنے کی انجری کے باعث سری لنکا کے خلاف دو ٹیسٹ میچز کی سیریز میں حصہ نہیں لے سکیں گے، ان کی جگہ عاقب نبی کو قومی اسکواڈ کا حصہ بنایا گیا ہے۔عاقب نبی نے ڈومیسٹک کرکٹ میں شاندار کارکردگی کا مظاہرہ کیا ہے۔ وہ گزشتہ دو رانجی ٹرافی سیزنز میں مجموعی طور پر 104 وکٹیں حاصل کر چکے ہیں، جن میں 2025-26 کے سیزن میں حاصل کی گئی 60 وکٹیں بھی شامل ہیں۔ انہوں نے جموں و کشمیر کو پہلی مرتبہ رانجی ٹرافی کا ٹائٹل جتوانے میں اہم کردار ادا کیا تھا۔نوجوان فاسٹ بولر حال ہی میں سری لنکا کے دورے پر بھارت اے ٹیم کا حصہ بھی رہے، جہاں انہوں نے دو فرسٹ کلاس میچز میں 6 کھلاڑیوں کو آؤٹ کیا۔بھارت اور سری لنکا کے درمیان ورلڈ ٹیسٹ چیمپئن شپ کے تحت دو ٹیسٹ میچز کی سیریز کا پہلا مقابلہ 15 اگست سے گال میں جبکہ دوسرا میچ 23 اگست سے کولمبو میں کھیلا جائے گا۔