لاہور ( شوبز ڈیسک) سیشن عدالت میں لڑکی سے مبینہ زیادتی کے مقدمے میں یوٹیوبر رجب بٹ سمیت دیگر ملزمان کے خلاف اہم پیش رفت سامنے آئی ہے جہاں عدالت نے فردِ جرم عائد کرنے کے لیے تاریخ مقرر کر دی ہے۔ایڈیشنل سیشن جج یاسر عرفات نے کیس کی سماعت کی، اس دوران عدالت نے ملزمان کو چالان کی نقول فراہم کیں اور آئندہ کارروائی کے لیے طلبی کا حکم جاری کیا۔عدالت نے یوٹیوبر رجب بٹ سمیت دیگر نامزد ملزمان کو 22 اپریل کو فردِ جرم عائد کرنے کے لیے طلب کر لیا ہے۔دوسری جانب درخواست گزار نے مؤقف اختیار کیا کہ نواب ٹاؤن تھانے کی پولیس نے حقائق کے برعکس مقدمہ درج کیا اور عدالت سے عبوری ضمانت کی توثیق کی استدعا کی۔متاثرہ خاتون کے مطابق ملزمان نے اسے گھر بلا کر مبینہ زیادتی کا نشانہ بنایا، مقدمے میں رجب بٹ، جہانگیر، جواد علی اور عبد الرحمان شامل ہیں۔
