چین کا شینزو-23 خلائی مشن کامیابی سے تیانگونگ اسپیس اسٹیشن پہنچ گیا

 لاہور( ویب ڈیسک)چین نے اپنا نیا انسانی خلائی مشن شینزو-23 مشن کامیابی سے خلا کی جانب روانہ کیا، جس کے بعد مشن میں شامل تینوں خلا باز تیانگونگ اسپیس اسٹیشن پہنچ گئے ہیں۔تفصیلات کے مطابق 203 فٹ لمبا لانگ مارچ-2F راکٹ لانگ مارچ-2F راکٹ گوبی صحرا میں واقع جیوکوان سیٹلائٹ لانچ سینٹر سے مقامی وقت کے مطابق رات 11 بج کر 8 منٹ پر روانہ ہوا۔مشن میں کمانڈر ژو یانگژو سمیت ژانگ ژیوان اور لائی کا-یِنگ شامل ہیں، جبکہ لائی کا-یِنگ ہانگ کانگ سے خلا میں جانے والے پہلے خلا باز بن گئے ہیں۔خلائی اسٹیشن پر پہنچنے کے بعد تینوں خلا بازوں نے پہلے سے موجود عملے سے ملاقات کی اور مدار میں عملے کی تبدیلی کا عمل شروع کیا گیا۔چینی خلائی حکام کے مطابق اس مشن کے تحت خلا باز تقریباً چھ ماہ تک اسپیس اسٹیشن میں قیام کریں گے، جبکہ ایک خلا باز کو پہلی بار ایک سال تک خلا میں رہنے کا تجربہ بھی دیا جا رہا ہے۔یہ مشن آئندہ آنے والے شینزو-24 مشن سے بھی منسلک ہے، جس کے تحت مستقبل میں مزید بین الاقوامی تعاون اور ممکنہ طور پر پاکستانی خلا باز کی شمولیت کا امکان بھی ظاہر کیا گیا ہے۔