لاہور( سپورٹس ڈیسک) اسرائیلی فٹبالر سعید ابو فرحچی کو آسٹریا کے خلاف نیشنز لیگ میچ میں گول کے بعد متنازع انداز میں جشن منانے پر ریڈ کارڈ دکھا دیا گیا۔دوسرے ہاف کے آغاز میں ابو فرحچی نے گول کرکے مقابلہ ایک، ایک سے برابر کیا۔ گول کے بعد وہ کارنر کی جانب گئے، کارنر فلیگ نکالا اور گھٹنے کے بل بیٹھ کر فلیگ کو ہاتھ پر رکھ کر فائرنگ جیسا اشارہ کیا۔ریفری نے پہلے یلو کارڈ کے صرف چار منٹ بعد انہیں دوسرا یلو کارڈ دکھایا اور میدان سے باہر بھیج دیا۔ آسٹریا نے ایک کھلاڑی کی برتری کا فائدہ اٹھاتے ہوئے میچ ایک، تین سے جیت لیا۔رومانو شمٹ نے پنالٹی پر ابتدائی گول کیا، جبکہ فلپ موینے اور ساشا کالادزیچ نے آخری لمحات میں گول کرکے آسٹریا کی فتح یقینی بنائی۔
