لاہور( شوبز ڈیسک) سیشن کورٹ لاہور نے معروف یوٹیوبر رجب بٹ سمیت 5 ملزمان کے خلاف استغاثہ کیس میں فردِ جرم عائد کرنے کیلئے 18 اگست کی تاریخ مقرر کردی، عدالت نے تمام ملزمان کو آئندہ سماعت پر طلب کرلیا۔کیس کی سماعت ایڈیشنل سیشن جج ظفر یاب نے کی۔ رجب بٹ سمیت دیگر ملزمان کے خلاف عائشہ جٹ کی جانب سے دائر استغاثہ کیس کی سماعت کے دوران استغاثہ نے مؤقف اختیار کیا کہ پولیس نے مقدمے کے چالان میں ملزمان سے متعلق تفتیش درست انداز میں نہیں کی۔استغاثہ نے عدالت سے معاملے کا قانون کے مطابق جائزہ لینے اور کارروائی آگے بڑھانے کی استدعا کی۔عدالت نے دلائل اور ریکارڈ کا جائزہ لینے کے بعد رجب بٹ سمیت 5 ملزمان کو فردِ جرم عائد کرنے کیلئے 18 اگست کو طلب کرلیا۔
