لاہور ( سپورٹس ڈیسک)کرکٹ آسٹریلیا نے واضح کردیا ہے کہ ملکی کھلاڑیوں کی پہلی ترجیح بگ بیش لیگ (بی بی ایل) ہوگی، اس کے بعد انہیں دیگر غیر ملکی لیگز میں شرکت کی اجازت دی جائے گی۔کرکٹ آسٹریلیا کے مطابق میچل مارش اور میٹ شارٹ بی بی ایل کا مکمل سیزن کھیلنے کے بعد جنوبی افریقا کی ٹی ٹوئنٹی لیگ کے لیے دستیاب ہوں گے۔ دونوں کرکٹرز نے جنوبی افریقا کی ٹی ٹوئنٹی لیگ کے ساتھ معاہدے کر رکھے ہیں۔آسٹریلوی ٹی ٹوئنٹی ٹیم کے کپتان میچل مارش اور میٹ شارٹ پہلی مرتبہ جنوبی افریقا کی لیگ میں حصہ لیں گے۔جنوبی افریقا کی ٹی ٹوئنٹی لیگ 17 جنوری سے شروع ہوگی، جبکہ بگ بیش لیگ 12 دسمبر سے 26 جنوری تک جاری رہے گی۔
