کراچی( شوبز ڈیسک)پاکستانی اداکارہ اور سوشل میڈیا اسٹار دنانیر مبین کی ایک مزاحیہ انسٹاگرام اسٹوری سوشل میڈیا پر توجہ کا مرکز بن گئی ہے، جس پر صارفین کی جانب سے مختلف آراء سامنے آ رہی ہیں۔اداکارہ نے بتایا کہ سفر کے دوران ان کی گاڑی کا ٹائر پنکچر ہو گیا، جس کے بعد انہوں نے ریسکیو اہلکاروں سے مدد حاصل کی۔ مسئلہ حل ہونے کے بعد انہوں نے اپنے مخصوص مزاحیہ انداز میں لکھا کہ ’’ٹائر پنکچر ہونے کے بعد اب میرا آزاد اور خودمختار رہنے کا دل نہیں چاہتا۔‘‘دنانیر مبین نے مزید کہا کہ اب ان کا دل چاہتا ہے کہ کوئی ان کا خیال رکھے اور وہ بے فکری سے گھومیں پھریں اور بنانا بریڈ بناتی رہیں۔ انہوں نے بروقت مدد فراہم کرنے پر ریسکیو اہلکاروں کا شکریہ بھی ادا کیا۔ان کی اس اسٹوری کو کچھ صارفین نے مزاحیہ انداز میں لیا جبکہ بعض نے اسے خودمختاری اور انفرادی سوچ کے تناظر میں مختلف انداز سے دیکھا، جس کے بعد سوشل میڈیا پر ایک نئی بحث شروع ہو گئی ہے۔
