حج کے دوران میک اپ پر بحث، کنول آفتاب کا وضاحت کے بعد سوشل میڈیا پر ردعمل

 لاہور( شو بز ڈیسک)پاکستانی ڈیجیٹل کریئیٹر جوڑی کنول آفتاب اور ذوالقرنین سکندر ان دنوں حج کے مقدس سفر پر سعودی عرب میں موجود ہیں، جہاں وہ اپنے سفر کی تصاویر اور ویڈیوز سوشل میڈیا پر شیئر کر رہے ہیں۔یہ جوڑی پاکستان کے معروف وی لاگرز میں شمار ہوتی ہے اور یوٹیوب، ٹک ٹاک اور انسٹاگرام پر بڑی فالوونگ رکھتی ہے، جبکہ ان کی فیملی ویڈیوز کو بھی مداحوں کی جانب سے خاصی پذیرائی ملتی ہے۔حج کے دوران کنول آفتاب کی ایک ویڈیو میں ان کے میک اپ لُک، خاص طور پر ڈارک لپ اسٹک، پر سوشل میڈیا صارفین کی جانب سے شدید تنقید کی گئی۔ بعض صارفین نے احرام کی حالت میں میک اپ کو غیر مناسب قرار دیا۔تنقید کے جواب میں کنول آفتاب نے کہا کہ عبادت اور ذاتی اسٹائل کو الگ دیکھا جانا چاہیے اور سوال اٹھایا کہ “میری لپ اسٹک کا عبادت سے کیا تعلق ہے؟”تاہم سوشل میڈیا پر بحث جاری رہی، جہاں کچھ صارفین نے ان کے مؤقف کی حمایت کی جبکہ دیگر نے حج کے دوران سادگی اور مذہبی اصولوں کی پاسداری پر زور دیا۔یہ معاملہ سوشل میڈیا پر ایک نئی بحث کو جنم دے رہا ہے جس میں مذہبی آداب، ذاتی آزادی اور آن لائن اثر و رسوخ کے کردار پر مختلف آرا سامنے آ رہی ہیں۔