نیویارک( شو بزڈیسک)ہالی ووڈ اداکار بیری کیوگن نے فلم دی بیٹ مین میں اپنے کردار سے متعلق منظر کے حوالے سے خاموشی توڑتے ہوئے اہم وضاحت پیش کر دی ہے۔اس فلم میں رابرٹ پیٹنسن نے مرکزی کردار ادا کیا تھا، جہاں کہانی میں وہ ایک خطرناک مجرم کے خلاف برسرِ پیکار دکھائی دیتے ہیں۔ فلم کے اختتام پر ایک جیل کا منظر سامنے آتا ہے جس میں ایک پراسرار قیدی دکھایا گیا، جسے مداحوں نے جوکر سے منسوب کیا۔تاہم یہ منظر فلم کی حتمی نمائش میں شامل نہیں کیا گیا تھا اور بعد ازاں اسے الگ سے جاری کیا گیا، جس نے شائقین میں خاصی دلچسپی پیدا کی۔ایک حالیہ گفتگو میں بیری کیوگن نے واضح کیا کہ اس منظر کو مکمل طور پر ختم نہیں کیا گیا تھا بلکہ صرف فلم کے مرکزی حصے سے الگ رکھا گیا تھا۔ان کے مطابق بعد میں اس منظر کا سامنے آنا مداحوں کے لیے ایک دلچسپ تجربہ ثابت ہوا اور اس نے کردار کے بارے میں تجسس کو مزید بڑھا دیا۔
