دلجیت دوسانجھ کا لاہور آمد سے متعلق بیان، پاکستانی مداحوں سے محبت کا اظہار

نئی دہلی( شوبز ڈیسک) بھارتی گلوکار دلجیت دوسانجھ نے کہا ہے کہ اگر وہ لاہور آئیں تو انہیں بعض دیگر ممالک کے سفر کے دوران مشکلات کا سامنا کرنا پڑ سکتا ہے۔بین الاقوامی سطح پر مقبول پنجابی گلوکار کے دنیا بھر میں کروڑوں مداح موجود ہیں، جن میں پاکستان سے بھی بڑی تعداد شامل ہے۔ماضی میں دلجیت دوسانجھ کو اس وقت تنقید کا سامنا کرنا پڑا جب انہوں نے پاکستانی اداکارہ ہانیہ عامر کے ساتھ ایک فلم میں کام کیا، تاہم ردِعمل کے باوجود انہوں نے اس منصوبے کو مکمل کیا۔دلجیت دوسانجھ پاکستانی مداحوں کے ساتھ ہمیشہ مثبت رویہ اور خلوص کا اظہار کرتے رہے ہیں۔ حال ہی میں ایک بین الاقوامی کنسرٹ کے دوران پاکستانی مداح کی جانب سے دیا گیا تحفہ بھی انہوں نے خوش دلی سے قبول کیا، جسے مداحوں کی جانب سے خوب سراہا گیا۔