ڈولی پارٹن کے انتقال پر موسیقی کی مقبولیت عروج پر، اسٹریمنگ ریکارڈ قائم

نیو یارک(شوبز ڈیسک)امریکی گلوکارہ و اداکارہ ڈولی پارٹن کے انتقال کے بعد ان کی موسیقی کی مقبولیت میں غیر معمولی اضافہ ہوگیا اور وہ دنیا بھر میں سب سے زیادہ سنی جانے والی فنکار بن گئیں۔غیر ملکی ذرائع ابلاغ کے مطابق ڈولی پارٹن کے انتقال کے بعد مداحوں نے بڑی تعداد میں ان کے گیت سننا شروع کردیئے، جس کے باعث ان کی موسیقی دوبارہ لاکھوں پلے لسٹس کا حصہ بن گئی۔رپورٹس کے مطابق ڈولی پارٹن طویل عرصے سے سرطان کے مرض میں مبتلا تھیں اور 25 اگست کو 80 برس کی عمر میں انتقال کرگئیں۔موسیقی کے اعداد و شمار فراہم کرنے والے ادارے کے مطابق ان کی وفات کے روز دنیا بھر میں ڈولی پارٹن کی آڈیو اور ویڈیو اسٹریمنگ 25 لاکھ سے بڑھ کر 3 کروڑ 50 لاکھ تک جاپہنچی، جو تقریباً 1280 فیصد اضافہ ہے۔امریکا میں ان کی موسیقی سننے کا رجحان مزید نمایاں رہا، جہاں ایک ہی روز آڈیو اور ویڈیو اسٹریمنگ 12 لاکھ سے بڑھ کر 2 کروڑ 63 لاکھ تک پہنچ گئی۔