لاہور( شوبز ڈیسک) ماہرِ نفسیات اور میڈیا شخصیت ڈاکٹر نبیہہ علی خان ایک بار پھر سوشل میڈیا پر توجہ کا مرکز بن گئی ہیں، تاہم اس مرتبہ ان کی شہرت کی وجہ شوہر کے لیے گایا گیا گانا ہے۔ڈاکٹر نبیہہ علی خان نے گزشتہ برس اپنے دیرینہ دوست حارث کھوکھر سے شادی کی تھی۔ دونوں کی ازدواجی زندگی مختلف مواقع پر سوشل میڈیا پر زیرِ بحث رہی ہے، جبکہ حالیہ عرصے میں ان کے درمیان اختلافات اور صلح سے متعلق خبریں بھی سامنے آتی رہی ہیں۔حالیہ وائرل ویڈیو میں ڈاکٹر نبیہہ نے اپنے شوہر کے لیے گانا گایا، جس پر سوشل میڈیا صارفین نے دلچسپ اور طنزیہ تبصرے شروع کردیے۔ایک صارف نے لکھا کہ اتنا اعتماد ہو تو وہ دنیا جیت لے، جبکہ دوسرے نے طنزیہ انداز میں کہا کہ اب اسے خود کو دنیا کا بدترین گلوکار سمجھنے کی ضرورت نہیں۔ ایک اور صارف نے تبصرہ کیا کہ اسرائیل کو بھی ان پر نظر رکھنی چاہیے۔ویڈیو پر سوشل میڈیا صارفین کی جانب سے مختلف نوعیت کے تبصروں کا سلسلہ بدستور جاری ہے۔
