کینیڈا( شوبز ڈیسک)کینیڈین ریپر ڈریک نے اپنے نئے گانے میں غزہ کا حوالہ دے کر فلسطینیوں کے ساتھ ایک بار پھر یکجہتی کا اظہار کیا ہے۔ڈریک کے نئے گانے کا مختصر حصہ ان کی فلم ’فومو‘ کی آن لائن پیشکش کے دوران پہلی مرتبہ سننے میں آیا، جس کے بعد مداحوں کی توجہ اس جانب مبذول ہوگئی۔گانے کا مجموعی انداز ہلکا پھلکا اور موسیقی سے بھرپور ہے، تاہم اس میں ڈریک نے ’غزہ کیلئے دعا کرو‘ کے الفاظ شامل کیے، جنہیں فلسطینیوں سے اظہارِ ہمدردی کے طور پر دیکھا گیا۔یہ پہلی مرتبہ نہیں کہ ڈریک نے فلسطین کے معاملے پر اپنی آواز بلند کی ہو۔ اس سے قبل بھی وہ غزہ میں جنگ بندی کی حمایت کرچکے ہیں، جبکہ اپنے گانے ’میک دیم پے‘ میں ’فری فلسطین‘ کا حوالہ بھی دے چکے ہیں۔ڈریک کے نئے گانے میں غزہ کا تذکرہ ایسے وقت سامنے آیا ہے جب متعدد عالمی فنکار فلسطین اور غزہ کی صورتحال پر اپنے خیالات کا اظہار کررہے ہیں۔
