انگلینڈ کرکٹ ٹیم 16 اکتوبر کو پاکستان پہنچے گی، ٹرائی سیریز کا شیڈول جاری

لاہور ( سپورٹس ڈیسک)انگلینڈ کی کرکٹ ٹیم پاکستان، سری لنکا اور انگلینڈ پر مشتمل ایک روزہ بین الاقوامی میچوں کی سہ ملکی سیریز میں شرکت کے لیے 16 اکتوبر کو اسلام آباد پہنچے گی۔سیریز 18 سے 31 اکتوبر تک راولپنڈی اور لاہور میں کھیلی جائے گی، جس میں تینوں ٹیمیں ایک دوسرے کے مدمقابل ہوں گی۔انگلینڈ کی ٹیم اپنا پہلا میچ 20 اکتوبر کو پاکستان کے خلاف راولپنڈی کرکٹ اسٹیڈیم میں کھیلے گی۔اسی میدان میں 22 اکتوبر کو انگلینڈ اور سری لنکا کی ٹیمیں آمنے سامنے ہوں گی۔