لاہور ( سپورٹس ڈیسک)دورۂ انگلینڈ مکمل ہونے کے بعد پاکستانی کرکٹرز اپنے گھروں کو واپس پہنچ گئے۔ایجبسٹن ٹیسٹ میں ڈیبیو کے موقع پر شاندار آل راؤنڈ کارکردگی دکھانے والے رضا اللہ کا اسلام آباد ایئرپورٹ پہنچنے پر پرتپاک استقبال کیا گیا۔برمنگھم سے تمام کھلاڑی دوحہ پہنچے، جہاں سے وہ اپنے اپنے شہروں کیلئے روانہ ہوگئے۔کپتان بابر اعظم، آذان اویس اور دیگر قومی کرکٹرز علامہ اقبال ایئرپورٹ لاہور پہنچے۔ذرائع کے مطابق بابر اعظم نے ڈومیسٹک کرکٹ میں حصہ لینے کا فیصلہ کیا ہے اور وہ او جی ڈی سی ایل کی نمائندگی کریں گے۔دورۂ انگلینڈ میں پاکستانی ٹیم کو سیریز میں وائٹ واش کا سامنا کرنا پڑا، جبکہ سلو اوور ریٹ پر میچ فیس کا 50 فیصد جرمانہ بھی عائد ہوا۔ اس کے علاوہ آئی سی سی ٹیسٹ چیمپئن شپ کے 11 پوائنٹس بھی پاکستان کے کھاتے سے منہا کیے گئے۔
