ممبئی( شو بز ڈیسک)بالی ووڈ اداکار عامر خان کے خلاف بھارت میں ایک ہندو انتہا پسند رہنما کی جانب سے مبینہ طور پر اشتعال انگیز اعلان سامنے آیا ہے، جس میں اداکار کے قتل پر 5 کروڑ روپے انعام دینے کی بات کی گئی ہے۔بھارتی میڈیا رپورٹس کے مطابق یہ بیان ایودھیا سے تعلق رکھنے والے ہندو انتہا پسند رہنما جگد گرو پرمہنس آچاریہ کی جانب سے سامنے آیا، جنہوں نے ریاست مہاراشٹرا کے وزیر نتیش رانے کے بیان کی حمایت کی۔رپورٹس کے مطابق نتیش رانے نے عامر خان کی شادیوں کے حوالے سے تبصرہ کرتے ہوئے انہیں "لو جہاد کا برانڈ ایمبیسیڈر" قرار دیا تھا، جس کے بعد ایک نیا تنازع پیدا ہوا۔جگد گرو پرمہنس آچاریہ نے عوامی سطح پر وزیر کے بیان کی تائید کرتے ہوئے عامر خان کے خلاف سخت مؤقف اختیار کیا، جبکہ ان کے مبینہ انعامی اعلان پر سوشل میڈیا اور عوامی حلقوں میں ردعمل سامنے آ رہا ہے۔
عامر خان کے خلاف دھمکی آمیز بیان، انتہا پسند رہنما کا 5 کروڑ انعام کا اعلان
واپس خبروں پر
Category:
تفریح