کراچی( شو بز ڈیسک)متحدہ قومی موومنٹ کے سینئر رہنما فیصل سبزواری کی بڑی بیٹی کی شادی کی خوبصورت تصاویر سوشل میڈیا پر وائرل ہوگئی ہیں، جنہیں صارفین کی جانب سے توجہ حاصل ہو رہی ہے۔فیصل سبزواری نے حال ہی میں اپنی بڑی بیٹی کی شادی کی تقریب میں شرکت کی، جہاں ان کے پہلے خاندان کے افراد بھی موجود تھے۔ ان کی دوسری اہلیہ اور معروف ٹی وی میزبان مدیحہ نقوی بھی شادی کی تقریب میں شریک ہوئیں۔شادی کی تصاویر سوشل میڈیا پر سامنے آنے کے بعد بعض صارفین نے فیصل سبزواری کی دوسری شادی کے حوالے سے سوالات اٹھائے اور اس معاملے پر اپنی رائے کا اظہار کیا۔ایک صارف نے تبصرہ کرتے ہوئے سوال کیا کہ جب ان کا پہلے ہی ایک خوبصورت خاندان موجود تھا تو دوسری شادی کرنے کی کیا ضرورت تھی؟ اس تبصرے کے بعد سوشل میڈیا پر مختلف آرا سامنے آنے لگیں۔واضح رہے کہ فیصل سبزواری نے 2019 میں معروف ٹی وی میزبان مدیحہ نقوی سے دوسری شادی کی تھی۔ دونوں کا ایک بیٹا بھی ہے۔فیصل سبزواری کی بیٹی کی شادی کی تصاویر نے جہاں تقریب کے خوبصورت لمحات کو نمایاں کیا، وہیں ان کی ذاتی زندگی سے متعلق بحث بھی سوشل میڈیا پر موضوعِ گفتگو بن گئی۔
