لاہور( سپورٹس ڈیسک) پاکستان ویمن کرکٹ ٹیم کی کپتان فاطمہ ثناء سری لنکا سے انگلینڈ روانہ ہو گئی ہیں، جہاں وہ دی ہنڈریڈ ٹورنامنٹ میں برمنگھم فیونکس کی نمائندگی کریں گی۔فاطمہ ثناء دی ہنڈریڈ میں حصہ لینے والی پاکستان کی پہلی خاتون کرکٹر بن گئی ہیں، جو قومی ویمن کرکٹ کے لیے ایک اہم اعزاز قرار دیا جا رہا ہے۔قومی ٹیم کی کپتان نے سری لنکا کے خلاف ون ڈے سیریز میں پاکستان ویمن ٹیم کی قیادت کی تھی، تاہم دی ہنڈریڈ میں شرکت کے باعث وہ سری لنکا کے خلاف ٹی ٹوئنٹی سیریز کا حصہ نہیں ہوں گی۔ذرائع کے مطابق ٹی ٹوئنٹی سیریز میں پاکستان ویمن کرکٹ ٹیم کی قیادت منیبہ علی کریں گی۔
