لاہور( شوبز ڈیسک)پاکستان کی سینئر اداکارہ فضیلہ قاضی نے انکشاف کیا ہے کہ انہوں نے شادی سے پہلے اپنے ہونے والے شوہر قیصر نظامانی کے سامنے کچھ شرائط رکھی تھیں۔ایک حالیہ گفتگو میں انہوں نے اپنی نجی زندگی اور فنی سفر کے بارے میں بات کرتے ہوئے بتایا کہ شادی سے قبل انہوں نے واضح طور پر کہا تھا کہ وہ زیادہ کام نہیں کریں گی، اور اگر وہ کوئی کام کریں گی تو اپنی آمدنی خود پر خرچ کریں گی۔ ان کے مطابق گھر کے اخراجات اور بچوں کی ذمہ داری شوہر کی ہوگی۔فضیلہ قاضی نے بتایا کہ شادی کے بعد انہوں نے گھر کی ذمہ داریاں سنبھالیں اور خاص طور پر کھانا پکانے کو اہمیت دی۔ ان کا کہنا تھا کہ وہ چاہتی تھیں کہ ان کے شوہر کی پسند کے مطابق کھانا تیار کریں تاکہ گھر میں محبت اور اپنائیت کا ماحول قائم رہے۔اداکارہ نے مزید کہا کہ ان کی والدہ کھانے کے ذائقے میں مہارت رکھتی تھیں اور اسی وجہ سے انہیں بھی اچھا کھانا بنانے کی صلاحیت وراثت میں ملی۔ ان کے مطابق اب ان کے گھر میں تیار کیا گیا کھانا ہی سب کو زیادہ پسند ہے اور یہی ان کی خوشی کا ذریعہ ہے۔انہوں نے کہا کہ جب ان کے شوہر اور بچے خوشی سے کھانا کھاتے ہیں تو انہیں دلی اطمینان حاصل ہوتا ہے اور وہ اسے محبت کے اظہار کا ایک خوبصورت انداز سمجھتی ہیں۔
