وفاقی بجٹ میں اہم اداروں کے لیے اربوں روپے مختص، ایف بی آر اور پارلیمان کے اخراجات میں بڑا حصہ

 اسلام آباد( کامرس ڈیسک)اسلام آباد میں آئندہ وفاقی بجٹ کے تحت مختلف سرکاری اداروں کے لیے اربوں روپے کے اخراجات مختص کر دیے گئے ہیں۔بجٹ دستاویزات کے مطابق وزیرِ اعظم آفس (اندرونی امور) کے لیے 89 کروڑ 54 لاکھ روپے جبکہ عوامی امور سے متعلق وزیراعظم آفس کے لیے 92 کروڑ 12 لاکھ روپے مختص کیے گئے ہیں۔دستاویز کے مطابق وفاقی پبلک سروس کمیشن کے لیے 1 ارب 47 کروڑ 37 لاکھ روپے جبکہ سپیشل انویسٹمنٹ فیسیلیٹیشن کونسل کے لیے 35 کروڑ 43 لاکھ روپے کا بجٹ رکھا گیا ہے۔مزید بتایا گیا ہے کہ فیڈرل بورڈ آف ریونیو کے لیے مجموعی طور پر 85 ارب 60 کروڑ 41 لاکھ روپے مختص کیے گئے ہیں، جبکہ ملازمین کی تنخواہوں اور الاؤنسز کے لیے 29 ارب روپے رکھے گئے ہیں۔اسلام آباد کیپیٹل ٹیریٹری کے لیے 23 ارب 22 کروڑ روپے سے زائد، جبکہ قومی اسمبلی پاکستان کے لیے 17 ارب 46 کروڑ روپے سے زائد کا بجٹ مختص کیا گیا ہے۔اسی طرح سینیٹ آف پاکستان کے لیے 9 ارب 67 کروڑ روپے سے زائد جبکہ پارلیمانی امور کے لیے 1 ارب 20 کروڑ 88 لاکھ روپے کا بجٹ تجویز کیا گیا ہے۔