دبئی( سپورٹس ڈیسک)انٹرنیشنل کرکٹ کونسل (آئی سی سی) نے بھارتی بیٹر یشسوی جیسوال اور سری لنکن بولر اسیتھا فرنینڈو پر میچ فیس کا 25 فیصد جرمانہ عائد کردیا، جبکہ دونوں کھلاڑیوں کو ایک، ایک ڈی میرٹ پوائنٹ بھی دیا گیا ہے۔آئی سی سی کے مطابق دونوں کھلاڑیوں کو ضابطۂ اخلاق کی خلاف ورزی کا مرتکب قرار دیا گیا ہے۔سری لنکا کے خلاف دوسرے ٹیسٹ میچ کے دوران یشسوی جیسوال اور اسیتھا فرنینڈو کے درمیان تلخ کلامی ہوئی تھی، جبکہ جیسوال نے اسیتھا کے ساتھ جسمانی طور پر الجھنے کی کوشش بھی کی تھی۔
