ارجنٹینا ( سپورٹس ڈیسک)فیفا نے ورلڈ کپ 2026 کے دوران پیش آنے والے ناخوشگوار واقعات پر ارجنٹینا کے خلاف تادیبی کارروائی شروع کر دی۔بین الاقوامی میڈیا کے مطابق ارجنٹینا کے کھلاڑیوں کو ورلڈ کپ فائنل میں ہسپانوی کھلاڑیوں کے ساتھ جھگڑے کے معاملے پر جبکہ ارجنٹینا فٹبال فیڈریشن کو سیمی فائنل میں انگلینڈ کے خلاف کامیابی کے بعد گراؤنڈ میں فاک لینڈ جزائر سے متعلق سیاسی بینر دکھانے سمیت متعدد مبینہ خلاف ورزیوں پر کارروائی کا سامنا ہے۔رپورٹس کے مطابق ورلڈ کپ کے دوران ارجنٹینا سے منسوب دیگر شکایات میں شائقین کی جانب سے امتیازی نعرے بازی، میچ کے آغاز میں تاخیر، سیکیورٹی انتظامات میں ناکامی اور مختلف مقابلوں کے دوران شائقین کی جانب سے میدان میں اشیاء پھینکے جانے کے واقعات شامل ہیں۔فیفا کی جانب سے ان تمام معاملات کا جائزہ لیا جا رہا ہے، جس کے بعد ممکنہ تادیبی فیصلے کیے جائیں گے۔
