فٹبال ورلڈ کپ: کینیڈا نے قطر کو 6-0 سے ہرا کر تاریخ میں پہلی فتح حاصل کر لی

وینکوور( سپورٹس ڈیسک)فٹبال ورلڈ کپ میں کینیڈا نے شاندار کارکردگی کا مظاہرہ کرتے ہوئے قطر کو 6-0 کے بڑے مارجن سے شکست دے دی اور تین قیمتی پوائنٹس حاصل کر لیے۔وینکوور میں کھیلے گئے میچ میں کینیڈا نے ابتدا سے ہی کھیل پر مکمل گرفت قائم رکھی اور گیند پر 78 فیصد کنٹرول کے ذریعے حریف ٹیم کو دباؤ میں رکھا۔پہلے ہاف میں کینیڈا نے تین گول اسکور کیے۔ میچ کے 16ویں منٹ میں لارن نے پہلا گول کیا، جبکہ جوناتھن ڈیوڈ نے 29ویں منٹ اور پھر انجری ٹائم میں دوسرا گول داغ کر اپنی ٹیم کو برتری دلائی۔ یوں وقفے تک اسکور 3-0 رہا۔دوسرے ہاف میں بھی کینیڈا کا دباؤ برقرار رہا۔ 64ویں منٹ میں سلیبا نے گول اسکور کیا، جبکہ 75ویں منٹ میں قطر کے کھلاڑی منائی کی غلطی کے باعث گیند اپنی ہی ٹیم کے جال میں چلی گئی، جس سے کینیڈا کو پانچواں گول ملا۔انجری ٹائم میں جوناتھن ڈیوڈ نے اپنی ہیٹ ٹرک مکمل کرتے ہوئے چھٹا گول بھی اسکور کیا اور ٹیم کی فتح کو یادگار بنا دیا۔یہ ورلڈ کپ کی تاریخ میں کینیڈا کی پہلی فتح تھی، جس کے ساتھ ٹیم نے گروپ بی میں تین اہم پوائنٹس حاصل کیے اور بہتر گول اوسط کی بنیاد پر برتری بھی حاصل کر لی۔