لندن( سپورٹس ڈیسک) ایف آئی ایچ پرو ہاکی لیگ میں بھارت نے پاکستان کو ایک کے مقابلے میں سات گول سے شکست دے دی۔لندن میں جاری ایف آئی ایچ پرو ہاکی لیگ کے میچ میں پاکستان نے پہلے کوارٹر میں بھارت کے خلاف ایک گول کی برتری حاصل کر لی تھی۔پاکستان کی طرف سے واحد گول ابوبکر نے اسکور کیا۔تاہم اس کے بعد بھارتی ٹیم نے شاندار کارکردگی دکھاتے ہوئے پاکستان پر مکمل برتری حاصل کر لی اور مسلسل گول اسکور کرتی رہی۔ مقررہ وقت کے اختتام پر میچ کا نتیجہ بھارت کے حق میں 1-7 رہا۔یاد رہے کہ یہ پاکستان کی پرو لیگ میں مسلسل پندرہویں شکست ہے۔ پاکستان اپنا آخری میچ آج انگلینڈ کے خلاف کھیلے گا۔
