فلم فلاپ ہوئی تو ایوارڈ شوز سے بھی نظرانداز کیا گیا:شریا سرن کا انکشاف

ممبئی( شو بز ڈیسک)بالی ووڈ اداکارہ شریا سرن نے انکشاف کیا ہے کہ 2007 میں ریلیز ہونے والی فلم ’آوارہ پن‘ کی ناکامی کے بعد انہیں نامزدگیاں ملنے کے باوجود بعض ایوارڈ تقریبات میں مدعو نہیں کیا گیا۔شریا سرن نے ایک انٹرویو میں بتایا کہ عمران ہاشمی کے ساتھ بننے والی فلم باکس آفس پر کامیاب نہ ہوسکی، تاہم اس کے گانوں اور کہانی کو پسند کیا گیا تھا۔ فلم کی ناکامی نے انہیں مایوس کیا، خصوصاً اس وقت جب نامزدگیوں کے باوجود انہیں چند ایوارڈ شوز میں شرکت کی دعوت تک نہیں دی گئی۔واضح رہے کہ تقریباً دو دہائیوں بعد ’آوارہ پن 2‘ ریلیز ہوئی ہے، جو 100 کروڑ روپے سے زائد کا کاروبار کرکے کامیاب فلم قرار دی جا رہی ہے۔