کیلیفورنیا( ویب ڈیسک) دنیا بھر میں بے چینی سے انتظار کیے جانے والے ویڈیو گیم جی ٹی اے 6 کو ایک خوش قسمت گیمر نے محض 2.12 ڈالر میں پری آرڈر کرکے سب کو حیران کر دیا۔رپورٹس کے مطابق اس گیمر نے تقریباً 79.99 ڈالر مالیت کا جی ٹی اے 6 اسٹینڈرڈ ایڈیشن صرف 2.12 ڈالر میں حاصل کیا، جس سے اسے 77.87 ڈالر کی بچت ہوئی، جو تقریباً 97 فیصد رعایت کے برابر ہے۔یہ دلچسپ واقعہ اس وقت پیش آیا جب ریڈٹ کے ایک صارف نے بتایا کہ چند ماہ قبل اس نے پلے اسٹیشن 5 پرو خریدنے کے لیے بیسٹ بائے سے خریداری کی تھی تاکہ جی ٹی اے 6 کی آمد سے پہلے اپنا گیمنگ سیٹ اپ مکمل کر سکے۔اس نے خریداری کے دوران کمپنی کا کریڈٹ کارڈ استعمال کیا، جس کے بدلے میں اسے کیش بیک ریوارڈز اور ریوارڈ سرٹیفکیٹس ملے، تاہم وہ کچھ عرصے تک انہیں استعمال کرنا بھول گیا۔بعد ازاں جب جی ٹی اے 6 کی پری آرڈر بکنگ شروع ہوئی تو اس نے اپنے اکاؤنٹ میں موجود ریوارڈ سرٹیفکیٹس استعمال کیے، جن سے گیم کی زیادہ تر قیمت ادا ہو گئی۔ اس کے بعد اس نے 10 فیصد اضافی ڈسکاؤنٹ کوپن بھی استعمال کیا، جس کے نتیجے میں گیم کی قیمت کم ہو کر صرف 2.12 ڈالر رہ گئی۔گیمر نے دیگر کھلاڑیوں کو مشورہ دیا کہ نئی گیم یا دیگر مصنوعات خریدنے سے پہلے اپنے کریڈٹ کارڈ ریوارڈز، اسٹور لائلٹی پروگرامز اور کیش بیک بیلنس ضرور چیک کریں، کیونکہ بعض اوقات پہلے سے موجود رعایتیں غیر معمولی بچت کا ذریعہ بن سکتی ہیں۔
