ممبئی( شو بز ڈیسک) بالی ووڈ اداکار گووندا نے اداکارہ کومل رانی سوارنکر کے ساتھ لال باغیچہ راجہ پنڈال حاضری دینے کی وضاحت کرتے ہوئے کہا ہے کہ وہ اپنی آنے والی فلم ’روپا‘ کی کامیابی کیلئے دعائیں کرنے وہاں گئے تھے۔62 سالہ اداکار نے کہا کہ کومل رانی فلم میں ان کے مقابل اداکاری کر رہی ہیں، اس لیے فلم کی کامیابی کیلئے دعا کی۔ ان کا کہنا تھا کہ اس سے قبل وہ کرشمہ کپور اور روینہ ٹنڈن کے ساتھ بھی لال باغیچہ جاچکے ہیں اور اس وقت ان کی فلمیں کامیاب ہوئی تھیں۔گووندا نے کومل رانی سے متعلق جاری قیاس آرائیوں پر بھی ردعمل دیتے ہوئے کہا کہ اگر کچھ شروع ہورہا ہے تو اس پر اتنی بحث کیوں کی جارہی ہے۔دوسری جانب گووندا کی اہلیہ سنیتا آہوجا نے انسانوں کے بجائے پالتو جانوروں سے محبت کا ذکر کرتے ہوئے کہا کہ انسانوں کو جتنا بھی پیار دیں، وہ دھوکا دیتے ہیں، جبکہ جانور ہمیشہ ساتھ رہتے ہیں۔رپورٹ کے مطابق گووندا اور کومل رانی کو متعدد مواقع پر ایک ساتھ دیکھے جانے کے بعد ان کے درمیان رومانوی تعلقات کی افواہیں گردش کررہی ہیں۔ سنیتا آہوجا ماضی میں دونوں کی عمر کے فرق پر بھی تنقید کرچکی ہیں۔سنیتا نے دسمبر 2024ء میں طلاق کی درخواست دائر کی تھی، جسے رواں سال اگست میں واپس لے لیا گیا۔ بعد ازاں انہوں نے دعویٰ کیا کہ گووندا کومل سے شادی کا ارادہ رکھتے ہیں، تاہم گووندا کے مینیجر نے اس کی تردید کرتے ہوئے کہا کہ دوسری شادی کا کوئی سوال نہیں۔
