کراچی( شوبز ڈیسک) عالمی باکسنگ چیمپئن عثمان وزیر نے انکشاف کیا ہے کہ وہ معروف اداکارہ ہانیہ عامر کو باکسنگ کی باقاعدہ تربیت دے رہے ہیں۔نجی ٹی وی پروگرام میں گفتگو کرتے ہوئے عثمان وزیر کا کہنا تھا کہ ہانیہ عامر نہ صرف باکسنگ سیکھ رہی ہیں بلکہ ایک بہترین فائٹر بھی ثابت ہو رہی ہیں، اور امکان ہے کہ وہ جلد رنگ میں اتر کر مقابلہ بھی کریں گی۔عثمان وزیر، جو بھارتی حریفوں کو شکست دے کر کامیابیوں کا سلسلہ جاری رکھے ہوئے ہیں، نے اس موقع پر حکومتی وعدوں کے مطابق مالی ادائیگیاں نہ ہونے پر بھی شکوہ کیا۔پروگرام کے دوران سابق قومی کرکٹر شاہد آفریدی سے بھی رابطہ کیا گیا، جنہوں نے عثمان وزیر کی شاندار کارکردگی کو سراہتے ہوئے انہیں مبارکباد پیش کی۔
