کراچی( شو بز ڈیسک)اداکارہ ہانیہ عامر کی ہم شکل کہلانے والی انفلوئنسر بشریٰ میمن کا نیا لُک سوشل میڈیا پر توجہ حاصل کر رہا ہے۔ہانیہ عامر کے میک اپ آرٹسٹ بابر ظہیر نے بشریٰ میمن کا میک اپ، ہیئر اور اسٹائلنگ اداکارہ کے مشہور لُک سے مماثل انداز میں کی، جس کے بعد دونوں کی مشابہت مزید نمایاں ہوگئی۔بابر ظہیر نے بشریٰ میمن کے ساتھ ویڈیو انسٹاگرام پر شیئر کی، جو دیکھتے ہی دیکھتے سوشل میڈیا پر وائرل ہوگئی۔ اس سے قبل بھی بابر ظہیر ایک مارننگ شو میں بشریٰ میمن کا گلیم اپ کرچکے ہیں۔ویڈیو سامنے آنے کے بعد مداحوں نے دونوں کی مشابہت پر دلچسپ تبصرے کیے۔ بعض صارفین نے سوال اٹھایا کہ شاید بابر ظہیر بشریٰ میمن کو شوبز انڈسٹری میں متعارف کرانے کی تیاری کر رہے ہیں، جبکہ کئی صارفین نے اسے محض تفریحی تعاون قرار دیا۔
