دبئی( سپورٹس ڈیسک) پاکستان کے نوجوان بیٹر حسن نواز کو آئی ایل ٹی ٹوئنٹی کے پانچویں سیزن کے لیے ڈیزرٹ وائپرز کے اسکواڈ میں شامل کرلیا گیا ہے۔ انہوں نے رواں سال ٹیم کو چیمپئن بنانے میں اہم کردار ادا کیا تھا۔23 سالہ حسن نواز انگلش کرکٹر اینیورین ڈونلڈ کی جگہ لیں گے، جنہیں آسٹریلیا کے خلاف ٹی ٹوئنٹی انٹرنیشنل سیریز کے لیے قومی ٹیم میں منتخب کیا گیا ہے۔حسن نواز اس سے قبل بھی ڈیزرٹ وائپرز کی نمائندگی کرچکے ہیں۔ انہوں نے پاکستان سپر لیگ میں 134.1 کے اسٹرائیک ریٹ سے 291 رنز بنائے، جبکہ کیریبین پریمیئر لیگ میں اینٹیگا اینڈ باربوڈا فالکنز کی جانب سے 220 رنز اسکور کیے۔ ان کی ٹیم نے سی پی ایل کا ٹائٹل بھی جیتا تھا۔ڈیزرٹ وائپرز کے چیف ایگزیکٹو فل اولیور نے حسن نواز کی ٹیم میں واپسی پر خوشی کا اظہار کرتے ہوئے کہا کہ وہ ٹیم کے ماحول سے پہلے ہی واقف ہیں اور گزشتہ سیزن کی کامیابی میں ان کا کردار نمایاں رہا تھا۔
