بر طانیہ( سپورٹس ڈیسک)فٹبال ورلڈ کپ کے ایک میچ میں انگلینڈ کے متعدد شائقین پر بغیر ٹکٹ اسٹیڈیم میں داخل ہونے کا الزام سامنے آیا ہے۔برطانوی میڈیا کے مطابق انگلینڈ اور کروشیا کے درمیان کھیلے گئے میچ کے دوران کچھ انگلش فینز نے سیکیورٹی حصار توڑ کر اسٹیڈیم میں داخل ہونے کی کوشش کی اور مبینہ طور پر بغیر ٹکٹ میچ دیکھا۔رپورٹس میں یہ بھی بتایا گیا ہے کہ اس واقعے کے بعد متعلقہ اداروں نے صورتحال کا جائزہ لیا، تاہم فیفا کی جانب سے اس حوالے سے لاعلمی کا اظہار کیا گیا ہے۔ فیفا ترجمان کے مطابق ان کے پاس اس بات کی کوئی تصدیق موجود نہیں کہ شائقین بغیر ٹکٹ اسٹیڈیم میں داخل ہوئے۔برطانوی میڈیا کے مطابق 70 ہزار 649 تماشائیوں کی گنجائش والے اسٹیڈیم میں 70 ہزار 389 افراد نے میچ دیکھا، جس کے باعث مکمل بھراؤ کے قریب صورتحال رہی۔یہ میچ انگلینڈ اور کروشیا کے درمیان آرلنگٹن کے اے ٹی اینڈ ٹی اسٹیڈیم میں کھیلا گیا، جو ورلڈ کپ کے ابتدائی مرحلے کا حصہ تھا۔
