میامی( سپورٹس ڈیسک)ارجنٹینا کے اسٹار فٹبالر لیونل میسی نے فیفا ورلڈ کپ 2026ء میں شاندار کارکردگی کا مظاہرہ کرتے ہوئے الجزائر کے خلاف ہیٹ ٹرک اسکور کی اور اپنی ٹیم کو نمایاں فتح دلائی۔میچ میں ارجنٹینا نے الجزائر کو 0 کے مقابلے میں 3 گول سے شکست دی۔ لیونل میسی نے تینوں گول کر کے نہ صرف ٹیم کی جیت میں اہم کردار ادا کیا بلکہ ایک نیا ریکارڈ بھی قائم کیا۔رپورٹس کے مطابق 38 سال 357 دن کی عمر میں میسی ورلڈ کپ کی تاریخ میں ہیٹ ٹرک کرنے والے معمر ترین کھلاڑی بن گئے ہیں۔ انہوں نے پہلا گول طویل فاصلے سے شاندار شاٹ پر، دوسرا ریباؤنڈ پر جبکہ تیسرا گول بہترین انفرادی مہارت کے ذریعے اسکور کیا۔اس کارکردگی کے ساتھ میسی نے بین الاقوامی سطح پر کئی اہم ریکارڈز کو بھی متاثر کیا، جبکہ ان کی یہ ہیٹ ٹرک ان کے کیریئر کے ایک یادگار سنگ میل کے طور پر دیکھی جا رہی ہے۔
