کراچی( شو بز ڈیسک)اداکارہ حرا خان نے صبا فیصل کے طلاق سے متعلق بیان پر ردعمل دیتے ہوئے کہا ہے کہ جنازے اٹھانے سے بہتر ہے والدین اپنے سر جھکا لیں۔حرا خان نے انسٹاگرام اسٹوری میں کہا کہ وہ پہلے بھی یہ بات کہہ چکی ہیں اور دوبارہ کہتی ہیں کہ صبا فیصل کو مدد کی ضرورت ہے۔دوسری جانب اداکارہ زویا ناصر نے بھی سوشل میڈیا پر تبصرہ کرتے ہوئے کہا کہ ان کے پاس کہنے کو بہت کچھ ہے اور یہ انتہائی خطرناک اور پیچیدہ بیانیہ ہے۔واضح رہے کہ دونوں اداکاراؤں کا ردعمل صبا فیصل کی اس ویڈیو کے بعد سامنے آیا، جس میں انہوں نے طلاق کے حوالے سے بدلتے ہوئے معاشرتی رویوں پر گفتگو کی تھی۔صبا فیصل نے کہا تھا کہ ماضی میں طلاق کو پورے خاندان کے لیے انتہائی تکلیف دہ واقعہ سمجھا جاتا تھا اور بیٹی کی شادی ختم ہونے پر والد بھی شرمندگی محسوس کرتے ہوئے لوگوں کا سامنا نہیں کر پاتے تھے۔اداکارہ کے مطابق آج بعض حلقوں میں طلاق کو ماضی کے مقابلے میں زیادہ معمولی سمجھا جاتا ہے، جس کے بعد سوشل میڈیا پر شادی، طلاق، خاندانی توقعات اور بدلتے معاشرتی رویوں پر بحث شروع ہوگئی۔
