کراچی ( شو بز ڈیسک)پاکستانی اداکارہ حرا سومرو نے شوبز انڈسٹری میں عمر سے متعلق تبصروں پر بعض سینئر اداکاراؤں کو جواب دے دیا۔حرا سومرو نے انسٹاگرام پر اپنے شوہر کے ساتھ شادی کی ایک پرانی تصویر شیئر کرتے ہوئے عمر کے حوالے سے ہونے والی گفتگو پر اپنے خیالات کا اظہار کیا۔اداکارہ نے کہا کہ وہ ان کئی پاکستانی اداکاراؤں سے کافی کم عمر ہیں جن کے ساتھ وہ کام کرچکی ہیں اور انہیں عمر کے معاملے پر کوئی پریشانی نہیں، تاہم اب صورتِ حال انہیں عجیب محسوس ہونے لگی ہے۔حرا سومرو نے کسی اداکارہ کا نام لیے بغیر دعویٰ کیا کہ بعض سینئر اداکارائیں اس لیے انہیں خود سے زیادہ عمر کا ظاہر کرنے کی کوشش کرتی ہیں کیونکہ وہ بچوں کی ماں ہیں۔انہوں نے کہا کہ انہوں نے بہت کم عمر میں شادی کی تھی اور بچوں کی ماں بننے کا یہ مطلب نہیں کہ ان کی عمر سینئر اداکاراؤں کے برابر یا ان سے زیادہ ہوگئی ہے۔حرا سومرو نے کہا کہ براہِ کرم میری عمر کو چھوڑ دیں اور اپنی عمر کی فکر کریں۔اداکارہ ’تیرے بن‘ اور ’جانِ جہاں‘ سمیت متعدد مقبول پاکستانی ڈراموں میں اداکاری کرچکی ہیں۔ وہ کم عمری میں شادی کے بعد دو بچوں کی والدہ بھی ہیں۔
