ہاکی کپتان عماد شکیل بٹ کو برطانیہ ویزا نہ مل سکا، اوور اسٹے تنازع کی وجہ سامنے آگئی

لاہور ( سپورٹس ڈیسک)پاکستان ہاکی ٹیم کے کپتان عماد شکیل بٹ کو پرو ہاکی لیگ کے سلسلے میں برطانیہ کا ویزا نہ ملنے کی وجہ سامنے آ گئی ہے۔رپورٹس کے مطابق عماد بٹ کو ویزا اس لیے جاری نہیں کیا گیا کیونکہ وہ ماضی میں انگلینڈ میں اپنے ویزے کی مدت ختم ہونے کے باوجود مزید وقت تک مقیم رہے تھے۔بتایا گیا ہے کہ وہ چند ماہ قبل انگلینڈ ہاکی لیگ کھیلنے گئے تھے، جہاں ان کے ویزے کی مدت ختم ہو چکی تھی، تاہم کلب کی جانب سے ویزے کی توسیع کی یقین دہانی کروائی گئی تھی۔وطن واپسی پر انہیں برطانیہ میں اوور اسٹے کے باعث جرمانہ بھی ادا کرنا پڑا تھا، جس کے اثرات اب موجودہ ویزا درخواست پر بھی پڑے ہیں۔دوسری جانب ایف آئی ایچ پرو ہاکی لیگ میں پاکستان ہاکی ٹیم کو بیلجئیم کے ہاتھوں چھ صفر سے شکست کا سامنا کرنا پڑا، جو کہ ایونٹ میں قومی ٹیم کی مسلسل گیارہویں ناکامی ہے۔