نیو یار( شو بز ڈیسک)امریکی اداکارہ ڈیوی چیز 35 سال کی عمر میں لاس اینجلس میں انتقال کر گئیں۔امریکی میڈیا رپورٹس کے مطابق ان کا انتقال منگل کے روز امریکی شہر لاس اینجلس میں ہوا۔ وہ اپنی مشہور فلموں، خصوصاً ہارر فلم دی رنگ اور اینی میٹڈ و لائیو ایکشن فلم لیلو اینڈ اسٹچ میں اداکاری کے باعث پہچانی جاتی تھیں۔فلم دی رنگ میں انہوں نے خوفناک کردار “سمارا مورگن” ادا کیا تھا، جس نے انہیں عالمی سطح پر شہرت دلائی۔اداکارہ کے والد کے مطابق ان کی موت گردن توڑ بخار اور خون کے انفیکشن کے باعث ہوئی، جبکہ وہ شدید غذائی قلت کا بھی شکار تھیں۔ڈیوی چیز نے کم عمری میں اپنے کیریئر کا آغاز ایک اشتہار سے کیا تھا اور بعد ازاں ہالی ووڈ میں نمایاں مقام حاصل کیا۔
