لاہور ( شو بز ڈیسک) معروف یوٹیوبر رجب بٹ اور ان کی اہلیہ ایمان فاطمہ کے درمیان جاری اختلافات کے دوران صلح کی امید پیدا ہوگئی۔ایمان فاطمہ نے اپنے بیٹے کی سالگرہ پر رجب بٹ کو مدعو کیا، جنہوں نے تقریب میں شرکت کی۔ شوہر کی آمد پر ایمان جذباتی ہوگئیں اور دونوں کے درمیان مکمل صلح کی امید ظاہر کی۔ایمان فاطمہ کا کہنا تھا کہ وہ خوش ہیں کہ رجب اپنے بیٹے کی سالگرہ منانے آئے، اب وہ چاہتی ہیں کہ رجب انہیں اور ان کے بیٹے کو بھی اپنے گھر واپس لے جائیں۔سوشل میڈیا صارفین نے ایمان کے بیان پر ملا جلا ردعمل دیا۔ بعض نے دونوں میں صلح اور گھر آباد رہنے کی دعا کی، جبکہ کچھ صارفین نے ازدواجی معاملات سماجی رابطوں کی ویب سائٹس پر بیان کرنے پر تنقید کی۔
