لاہور( شو بز ڈیسک)پاکستانی نژاد برطانوی گلوکار زین ملک نے بیٹی خائی کی چھٹی سالگرہ کی خوبصورت تصاویر مداحوں کے ساتھ شیئر کردیں۔زین ملک نے سماجی رابطے کی ویب سائٹ پر تصاویر شیئر کرتے ہوئے ان تمام افراد کا شکریہ ادا کیا جنہوں نے خائی کے خاص دن کو یادگار بنایا۔ انہوں نے بتایا کہ خائی نے اپنی سہیلیوں کے ساتھ ہفتہ وار تعطیلات میں خوب انجوائے کیا اور بیٹی کیلئے تیار کیے گئے خصوصی سالگرہ کے کیک کو بھی سراہا۔دوسری جانب خائی کی والدہ اور معروف سپر ماڈل جیجی حدید نے بھی بیٹی کی سالگرہ الگ انداز میں منائی اور سماجی رابطے کی ویب سائٹ کی کہانیوں میں سالگرہ کے ناشتے کی جھلک شیئر کی۔زین ملک اور جیجی حدید ستمبر 2020 میں خائی کے والدین بنے تھے، تاہم دونوں 2021 میں ایک دوسرے سے علیحدہ ہوگئے تھے۔
