ویمن ٹی ٹوئنٹی ورلڈ کپ: پاکستان کا آخری گروپ میچ آج نیدرلینڈز کے خلاف ہو گا

برسٹل( سپورٹس ڈیسک) ویمن ٹی ٹوئنٹی ورلڈ کپ میں قومی ویمن کرکٹ ٹیم اپنا آخری گروپ میچ آج نیدرلینڈز کے خلاف کھیلے گی۔دونوں ٹیمیں دوپہر ڈھائی بجے برسٹل میں آمنے سامنے ہوں گی۔ قومی ویمن ٹیم نے اپنی کارکردگی بہتر بنانے اور خامیوں کو دور کرنے کے لیے پریکٹس سیشن میں بھی حصہ لیا۔پاکستانی ویمن ٹیم اب تک ایونٹ میں چار میچز کھیل چکی ہے، تاہم اسے چاروں میں شکست کا سامنا کرنا پڑا ہے۔