عمران خان کا بیٹی کے مستقبل کے تعلقات پر مثبت ردعمل، سوشل میڈیا پر خوب پذیرائی

ممبئی( شو بز ڈیسک)بالی ووڈ اداکار عمران خان کا اپنی بیٹی کے مستقبل کے تعلقات سے متعلق دیا گیا بیان سوشل میڈیا پر وائرل ہو گیا ہے، جسے مداحوں کی جانب سے بھرپور سراہا جا رہا ہے۔تقریباً دس سال کے وقفے کے بعد اداکاری کی دنیا میں واپسی کرنے والے عمران خان نے حال ہی میں ایک انٹرویو میں مختلف موضوعات پر کھل کر گفتگو کی۔انٹرویو کے دوران میزبان کے ایک سوال کے جواب میں انہوں نے کہا کہ اگر ان کی بیٹی بڑی ہو کر کسی ایسے شخص کو پسند کرے جو ان جیسا ہو تو انہیں اس پر کوئی اعتراض نہیں ہوگا۔ان کے مطابق یہی سوچ انہیں اپنی شخصیت کو بہتر بنانے کی ترغیب دیتی ہے، کیونکہ والد بننے کے بعد انسان اپنی عادات اور رویوں کے بارے میں زیادہ حساس ہو جاتا ہے۔عمران خان نے مزید کہا کہ انسان کی شخصیت اور فیصلوں پر بچپن کے تجربات اور والدین کے رویوں کا گہرا اثر ہوتا ہے، جو وقت کے ساتھ شخصیت کی تشکیل میں اہم کردار ادا کرتے ہیں۔ان کے اس بیان کو سوشل میڈیا صارفین نے مثبت اور ذمہ دارانہ سوچ قرار دیتے ہوئے خوب سراہا ہے۔