نئی دہلی( سپورٹس ڈیسک)بھارت اے نے ٹرائی سیریز کے فائنل میں شاندار کارکردگی کا مظاہرہ کرتے ہوئے سری لنکا اے کو 66 رنز سے شکست دے دی۔سری لنکا کے شہر ڈمبولا میں کھیلے گئے فائنل میں بھارت اے نے پہلے بیٹنگ کرتے ہوئے 9 وکٹوں کے نقصان پر 377 رنز کا بڑا مجموعہ اسکور کیا۔بھارت کی جانب سے 15 سالہ نوجوان بلے باز ویبھَو سوریاونشی نے غیر معمولی جارحانہ بیٹنگ کرتے ہوئے 29 گیندوں پر 94 رنز بنائے۔ انہوں نے صرف 11 گیندوں پر نصف سنچری مکمل کر کے لسٹ اے کرکٹ میں نیا ریکارڈ قائم کیا۔ ان کی اننگز میں 10 چوکے اور 8 چھکے شامل تھے۔دیگر بلے بازوں میں تلک ورما نے 67، روتوراج گائیکواڑ نے 40 جبکہ انوکُل رائے نے 39 رنز کی برق رفتار اننگز کھیل کر مجموعے کو مستحکم کیا۔ہدف کے تعاقب میں سری لنکا اے کی ٹیم 311 رنز بنا کر 48ویں اوور میں آؤٹ ہو گئی۔ ونیوکا سنہ نے 62 اور سادھیرا سمارا وکرما نے 52 رنز اسکور کیے تاہم ٹیم مطلوبہ ہدف حاصل نہ کر سکی۔بھارت کی جانب سے یش ٹھاکر اور ویپراج نگم نے 3، 3 وکٹیں حاصل کیں جبکہ انوکُل رائے نے بھی اہم کامیابی حاصل کی۔
