گال( سپورٹس ڈیسک) بھارت نے دو ٹیسٹ میچز کی سیریز کے پہلے مقابلے میں میزبان سری لنکا کو 165 رنز سے شکست دے کر سیریز میں برتری حاصل کرلی۔گال میں کھیلے گئے میچ میں بھارت نے ٹاس جیت کر پہلے بیٹنگ کرتے ہوئے 462 رنز بنائے۔ دیودت پڈیکل نے شاندار بیٹنگ کرتے ہوئے 167 رنز کی اننگز کھیلی۔سری لنکا کی ٹیم جواب میں پہلی اننگز میں 284 رنز پر آؤٹ ہوگئی اور بھارت کو 178 رنز کی برتری حاصل ہوگئی۔ میزبان ٹیم کی جانب سے سونال ڈنشا نے 100 رنز بنائے۔بھارت کی طرف سے مانوو ستھار نے 4 وکٹیں حاصل کیں، جبکہ رویندرا جڈیجا نے 3 کھلاڑیوں کو آؤٹ کیا۔ محمد سراج، پراسدھ کرشنا اور کلدیپ یادیو نے ایک، ایک وکٹ حاصل کی۔بھارت نے دوسری اننگز میں 193 رنز بناکر سری لنکا کو فتح کے لیے 372 رنز کا ہدف دیا، تاہم میزبان ٹیم 206 رنز پر ڈھیر ہوگئی۔ سونال ڈنشا نے دوسری اننگز میں 84 رنز بنائے۔بھارت کی جانب سے مانوو ستھار نے دوسری اننگز میں 6 وکٹیں حاصل کرکے اپنی ٹیم کی فتح میں اہم کردار ادا کیا۔دونوں ٹیموں کے درمیان سیریز کا دوسرا اور آخری ٹیسٹ 23 اگست سے کولمبو میں کھیلا جائے گا۔
