ممبئی( شو بز ڈیسک)بھارتی ریاست اتر پردیش میں ہریانوی گلوکار اور یوٹیوبر انکت بالیان کو نامعلوم مسلح افراد نے جم کے باہر فائرنگ کرکے قتل کردیا۔بھارتی ذرائع ابلاغ کے مطابق انکت بالیان شاملی ضلع کے کوتوالی تھانے کی حدود میں جم سے باہر نکل رہے تھے کہ دو موٹر سائیکلوں پر سوار حملہ آوروں نے ان پر متعدد گولیاں چلائیں، جس سے وہ موقع پر ہی دم توڑ گئے۔پولیس نے لاش کو پوسٹ مارٹم کیلئے منتقل کردیا جبکہ ملزمان کی شناخت کیلئے جائے وقوع کی نگرانی کیمروں کی ریکارڈنگ کا جائزہ لیا جارہا ہے۔اتر پردیش کے سابق وزیراعلیٰ نے واقعے کو جاٹ برادری پر حملہ قرار دیا ہے۔ میڈیا رپورٹس میں یہ دعویٰ بھی سامنے آیا ہے کہ انکت بالیان آئندہ پنچایتی انتخابات میں حصہ لینے کا ارادہ رکھتے تھے، تاہم پولیس یا ان کے قریبی رشتہ داروں نے اس کی تصدیق نہیں کی۔انکت بالیان کے یوٹیوب چینل پر 3 لاکھ 66 ہزار سے زائد صارفین موجود تھے۔
