انسٹاگرام میں نیا فیچر متعارف، پروفائل گرڈ کو اپنی مرضی سے ترتیب دینا ممکن

نیویارک ( ویب ڈیسک) فوٹو شیئرنگ ایپ انسٹاگرام نے وہ نیا فیچر متعارف کرا دیا ہے جس کا صارفین طویل عرصے سے انتظار کر رہے تھے۔نئی سہولت کے تحت اب صارفین اپنی پروفائل گرڈ میں موجود تصاویر اور ویڈیوز کو اپنی مرضی کے مطابق ترتیب دے سکیں گے، چاہے وہ کسی بھی وقت اپ لوڈ کی گئی ہوں۔کمپنی کے مطابق یہ فیچر مرحلہ وار دنیا بھر کے صارفین کے لیے جاری کیا جا رہا ہے تاکہ اسے بہتر انداز میں متعارف کرایا جا سکے۔نئے نظام کے تحت صارفین ڈریگ اینڈ ڈراپ کے ذریعے پوسٹس کو ایک جگہ سے دوسری جگہ منتقل کر سکیں گے، تاہم پِن کی گئی پوسٹس اپنی مقررہ جگہ پر ہی رہیں گی۔ٹیکنالوجی ماہرین کے مطابق اس فیچر سے صارفین کو اپنی پروفائل کو زیادہ منظم اور خوبصورت انداز میں پیش کرنے میں مدد ملے گی، جس سے کسٹمائزیشن کے امکانات بھی بڑھ جائیں گے۔یہ فیچر پہلی بار 2022 میں زیر بحث آیا تھا اور اب باضابطہ طور پر صارفین کے لیے دستیاب کر دیا گیا ہے۔