ممبئی( شو بز ڈیسک)بھارتی اداکارہ و ماڈل ایشا رکھی نے معروف ریپر بادشاہ سے علیحدگی کے بعد پہلی مرتبہ اپنے تعلق کے بارے میں کھل کر گفتگو کرتے ہوئے اس عرصے کو اپنی زندگی کا ’بدترین وقت‘ قرار دیا ہے۔’بگ باس 20‘ میں شرکت سے قبل بھارتی میڈیا کو دیے گئے انٹرویو میں ایشا رکھی نے بتایا کہ وہ ایک طویل عرصے تک اپنی ذاتی زندگی اور بادشاہ کے ساتھ تعلق سے متعلق عوامی سطح پر بات کرنے سے گریز کرتی رہیں۔اداکارہ کا کہنا تھا کہ وہ اس شخص اور رشتے کو محفوظ رکھنا چاہتی تھیں جس سے وہ محبت کرتی تھیں، اسی وجہ سے انہوں نے دونوں کے درمیان پیش آنے والے معاملات کبھی میڈیا کے سامنے نہیں رکھے۔تاہم ایشا رکھی کے مطابق ریپر کی جانب سے انہیں صورتحال کی جو تصویر دکھائی جارہی تھی، وہ حقیقت پر مبنی نہیں تھی۔
