کراچی( شوبز ڈیسک) معروف پاکستانی اداکارہ و پروڈیوسر جویریہ سعود نے پاکستانی فنکاروں کے بھارت میں کام کرنے سے متعلق اداکار شان شاہد کے مؤقف کی حمایت کردی۔جویریہ سعود نے انسٹاگرام پر جاری بیان میں کہا کہ شان شاہد کا پاکستانی فنکاروں میں بھارتی شوبز انڈسٹری کے ساتھ کام کرنے کے بڑھتے ہوئے رجحان پر سوال اٹھانا درست ہے۔انہوں نے کہا کہ شہرت، زیادہ فالوورز یا پیشہ ورانہ مواقع کے حصول کے لیے قومی اقدار پر سمجھوتا نہیں کیا جانا چاہیے۔اداکارہ نے تسلیم کیا کہ بھارت کی تفریحی صنعت پاکستان کے مقابلے میں کہیں زیادہ بڑی ہے اور وہاں کام کرنے کے بعد پاکستانی فنکاروں کو وطن واپسی پر زیادہ پہچان، فالوورز، مالی مواقع اور نمایاں مقام حاصل ہوسکتا ہے
