کراچی(کامرس ڈیسک) پاکستان سٹیٹ آئل نے جواد احمد چیمہ کو نیا چیف ایگزیکٹو آفیسر مقرر کر دیا ہے، جو 18 مئی 2026 سے اپنی ذمہ داریاں سنبھالیں گے۔اعلامیے کے مطابق جواد احمد چیمہ کی تقرری تین سال کے لیے پی ایس او بورڈ کی منظوری سے عمل میں آئی ہے، وہ عبوری سربراہ عبد السمیع کی جگہ ذمہ داریاں سنبھالیں گے۔نئے سربراہ کو توانائی کے شعبے میں اٹھائیس سال سے زائد کا وسیع تجربہ حاصل ہے اور وہ ایشیا، یورپ سمیت مختلف خطوں میں اہم ذمہ داریاں ادا کر چکے ہیں۔جواد احمد چیمہ اس سے قبل شیل پاکستان کے سربراہ رہ چکے ہیں جبکہ شیل پی ایل سی میں حکمت عملی اور پورٹ فولیو کے نائب صدر کے طور پر بھی خدمات انجام دے چکے ہیں۔اس کے علاوہ وہ حالیہ عرصے میں کراچی ہائیڈروکاربن ٹرمینل کے سربراہ کے طور پر بھی کام کرتے رہے ہیں۔ماہرین کے مطابق پی ایس او میں نئی قیادت کے آنے سے توانائی کے شعبے میں بہتری اور مؤثر حکمت عملی کی امید کی جا رہی ہے۔
