لندن (شوبز ڈیسک) برطانیہ سے تعلق رکھنے والی معروف فلم پروڈیوسر جمائما گولڈ اسمتھ نے دوسری شادی کی تصدیق کرتے ہوئے تقریب کی تصاویر بھی جاری کردی ہیں۔اس سے قبل خبریں زیرِ گردش تھیں کہ جمائما گولڈ اسمتھ نے معروف کاروباری شخصیت کیمرون اوریلی سے شادی کرلی ہے۔اب جمائما نے شادی کی تصدیق کرتے ہوئے سوشل میڈیا پر تصاویر شیئر کیں اور مبارکباد و نیک خواہشات کا اظہار کرنے والوں کا شکریہ ادا کیا۔تصاویر کے ساتھ انہوں نے 12 ستمبر کی تاریخ درج کی، جس سے ظاہر ہوتا ہے کہ شادی کی تقریب 12 ستمبر 2026ء کو منعقد ہوئی۔جمائما نے اپنی پوسٹ میں لکھا کہ ان تمام افراد کا شکریہ جنہوں نے اس دن کو دونوں کیلئے خاص اور خوشگوار بنانے میں کردار ادا کیا۔شادی کی تقریب میں جمائما کے دونوں بیٹوں قاسم اور عمر کے علاوہ دیگر اہل خانہ نے بھی شرکت کی۔
